ازاى تتصاحب على بنت

هااياات عليكم يا احلى اعضاء
التوبيك دا هيكون للشباب اكتر من البنات
بس بما انه للشباب احب اعرف تعليق كل بنت عليه وهل الكلام دا صح ولا نووووو
وبالنسبه للشباب عايزة بردو اعرف انتو فعلا بتعملو كدة ولا لا يعنى كل واحد من الشباب يدخل يقول رايه فى الكلام ده؟؟((خليكوا معايا احنا رجالة زى بعض))

اولا تروح تقف جنبها وتقولها ياأنسة ممكن كلمة
طبعا هى مش هتعبرك كلب وواقف جنبها
عادى تقوم قايل بسرعة يا أنسة يامدام
هتقوم هى جيالك بس هتكون زعلانة علشان قولتلها يامدام
وهتقولك عايز ايه تقولها ممكن رقم تليفونك
هتقولك عايزو ليه
تقولها انا لسة شارى موبيل جديد ومفهوش ارقام وعايز رقم يونس الموبايل
طبعا هتعمل حاجة من الثلاثة دول

اولا ً هتضحك ضحكة خفيفة وتمشى طبعا وراها يامعلم متسبهاش الا متاخد رقم موبايلها
واشطة يامعلم

ثانيا ممكن تكون بنت فرى وتديلك الموبايل على طول واشطة بردو يامعلم

ثالثا ممكن تقلع الشوووز اللى لابساها وتضربك بيها وساعتها تخبط دماغك فى الحيطة وتعملها محضر وانا هشهد معاك
وهتيجى لغاية عندك تترجاك وسعتها تعمل اللى انت عايزه

ودى طريقة مضمونة
وأى واحد عندو طريقة جديدة يكتبها

ازاى تعلق بنت

تعليق البنات : يعني إزاي توقع البنت في هواك

مش أي حاجة تانية لا سمح الله

مبنقولش تعاكسها

أكيد فهمتوا

قبل ماتعرف ازاي توقع البنت في هواك لازم تعرف الاول البنت بتحب ايه وبتكره ايه

البنت من سن 17 الي 21 سنة يعنى فترة الدراسة في الكليات

البنت بتعاني من ضغط نفسي وعصبييفى البيت بتعاني من ضغط الاهل عليها والسؤال في الرايحة والجاية اما في المجتمع (الشارع):
نظرة الشباب ليها وكثرة المعاكسات

البنت في بداية سن17 بتحس انها خلاص كبرت وبقت عروسه : طبعا بتبقي خلاص عدت مرحلة الثانوية ودخلت مرحلة جديدة وعالم جديد فبتبقي عوزه تعمل جو لنفسها وطبعا نفسها في حد يشاركها العالم الجديد طبعا من حقها لانها مفتقدة عنصر الامان
طبعا مش هتدور علي شريك من نفس جنسها لان اصاحبها من البنات بيبحثو هما كمان فتيجي تبص علي الشباب الي حوليها



أ ) البنت هتفضل اي نوع من الشباب

1- البنت بتحب الشاب البرىء الطيب الي واخد ركن لوحده ( مش دايما ً )

2- يكون شيك وكاجول وتكون خفيف الدم مرح ولطيف

3- بتحب الشاب الخام الخجول الي ملهوش في البنات (طبعا انت لازم تتظاهر بكده عشان تعرف انها مش لوحدها في شباب زيها)

خطوات تعليق البنت

بص يبني لازم تكون راكز يعني لما تحاول تعلق بنت زميلة في الدفعة مترحش تعكسها علي فكره البنت تموت في الي يطنشها (( من الاخر حاول تقلبها بس مش علطول يعنى بردو تخليك معاها وكدة بس يكون فى ثنة تطنيش وكدة اكيد فاهمنى يعنى))

حاول تدخلها عن طريق نقل الدروس يعنى(ممكن لو سمحتى لم المحاضره تخلص انقل منك المحاضره ؟ لوقالت لك انا برده منقلتهاش تقولها ع فكره في واحد اعرفه ممكن ناخد منه المحاضره اما لو قالت لك اتفضل انقل يبقي خير وبركه تحاول تمدح فيها (انتي خطك جميل اوي هتضحك وتقولك ده بس من ذوقك او تقولها ذوقك حلو في اختيار هدومك كده يعني ما انت لازم تتكلم وتفتح مواضيع يامعلم علشان تكمل الصحوبية دى

وطبعا كدة يعم انت اتعرفت عليها
وعيش حياتك

فى بقى بنات تقولها كدة تقوم تقلبك خالص ولا ترد عليك فى انك عاوز المحاضرة وكدة عادى جدا اقلبها انت كمان وسيبك منها وقولها شكرا على زوق حضرتك انا مش بعاكسك انا بس كنت عاوز المحاضرة وبكدة انت احرجتها بأدبك يا معلم
((انا جربت حكاية المحاضرة دى فى اول السنة ونفعت بس مكملتش مع النت يلا احكيهالكم فى يوم تانى))

(((بصوا بقى فى حاجات لازم تعملها علشان البنت تحس بردو انك مش قالبها ومطنشها اوى زى مثلا)))

1- لو لقيتها حاطها مونيكير تقولها اللون دا جامد عليكى
لو غيرت اللون تقولها اللون دا جامد اخر حاجة والله حلو وكدة

2- -اوعى تخليها تنتظرك يعنى لازم تروح فى ميعادك بالظبط ( عمري ما عملتها الحقيقة وطبعا انتوا عارفين وحافظين حتتة المواعيد دى معايا عاملة ازاى) بس المفروض تتعمل

(((شوف يامعلم انت وهو فى شوية حاجات البنات بتكرهها فى الشباب وهى )))

1- فى شاب يعد يسرح بالبنت بتاعته
ويحكيلها على بطولاته
يقولها انا امبارح لسة ماسك 9 مقطعهم

وهو يكون امبارح لسة متقلب((اوعى تكون كدة هتعرف انك بتسرح بقى وتنفضلك))

2- متفضلش بقى تقولها انا هروح مش عارف فين واصيف فى فرنسا وكلام من الهبل دا وتسرح بيها تانى والله هتقلبك وهيبقى شكلك زبالة

انا شخصيا بكرة النوع دا من الولاد اللى بيسرح اوووووووى للدرجة دى ياعم حتى لو هتسرح يبيقى مش كدة خليك بحدود دا بيحسسنى ان انا هندى ورابط الفيل فى العمود دى عيال زبالة

بص بقى يا معلم انت وهو لما تظبط البنت وكدة وتعرفوا تتكلموا سوا ابقى دعيلى ماشى اخوكم وحبيبكم بردو

الموضوع دا عاملة انا و واحد صاحبى وفى حاجات ضيفناها من موضوع شبهه مكتوب على موقع تانى

casper

بطلوا سذاجه يا ولاد الحلال......هو دا "الحب" الي انتم بتكلموا علية......وتقولوا انة اسمى المعانى.....

بس يا كاسبر انتا مقلتش ازاي يقع معها فى الخطيئه !!!!
........جتها نيله الى عايزه خلف

فى اية يا اسلام انا قولت حب دلوقتى بقولك تتصاحب على واحدة يا راجل داموضوع عادى يعنى
شكرا على مرورك

يا راجل......"تصاحب" غير "تعلق"....في فرق
تعلق يعنى عايز تظبط معها وكده هندخل فى موضوع الحب والبتنجان المخلل وعلاقته بالقرنبيط
تصاحب يعنى زماله او صداقه ليس لها غرض.......نورت التوبيك

ايوة زمالة وصداقة طبيعية خالص بس
انت اللى نورت التوبيك يا حبيبى

الموضوع جامد يا كاسبر وسيبك من فارس والبتنجان بتاعة دة
تحياتى ليك كاسبر و فارس وللبتناج والقرنبيط

عمكم انتا وهوا
الـــقــــــــــبـــــــــــــــــــــــــــانـــــــــــــــى

شكرا على ردك ياقبانى نورت التوبيك

خد الشى وياح خد الشى وياح

ماشى ياحازم
نورت التوبيك

أولا لو ولد جه طلب من بنت معاه فى الدفعة المحاضرة احسن حاجة تقوله وبكل قسوة مش انت كنت قاعد فى المحاضرة مكتبتهاش ليه ولا ايدك مقطوعة وبكدا تكون هى اللى احرجته قبل ما يحرجها او تقوله هو الصبيان انقرضوا متروح تنقلها من صحابك متنسوش يا بنات تقولوا الكلام دا بكل قسوة مع اننا مش قاسين لكن لو عملتى كدا هيحرم يعدى من قدامك بس دا لو كان مستقصدك واتخنقتى منه يعنى.

وبالنسبة لموضوع الموبايل دا والبتنجان ويدخل الواد ويقولها ممكن نمرت موبايلك ويقعد يقولها فين صيدلية ابوتريكة للأدوات المنزليةوالناس اللى فى الشارع اللى ورا هما اللى قالولى هلقاكى هنا وكدا يعنى عشان ياكل عقلها دا مبيمشيش مع البنات اللى فى زمانا .

وميرسى يا كاسبر ع الموضوع ومعلشى طولت عليكم ومحدش يزعل من كلامى والله مقصدش منه تجريح...................ابتسام

شكرا سمسونة على ردك نورتى التوبيك
بس احنا بنهزر بس طبعا لو حصل مع اى واحدة منكم كدة مش ترد او تعمل زى ما انتى قولتى كدة
انما الموضوع هزار بس طبعا
((الحمدالله انى مش جيت اطلب منك حاجة زى كدة))
شكرا على مرورك نورتى التوبيك

بص يا كبير من الاخر قليل اوى لما تلاقى بنات فى الزمن دة بصراحه يعنى ومحدش يزعل منى


بس حكايه انى اعلق بنت دى حاجه هبله بصراحه يعنى هتعلقها على شماعه مثلا ولا ايه


لما هتعلقها هتلاقى نفسك كل يوم فى مشاكل وعايز تكلمها ع الموبايل ومش عارف ايه عايز تقابلها وافرض ابوها شافها معاك مش هيسيبك فى حالك وهيعد يجرى وراك زى القط وانت الفار


بس بردو يعنى بالنسبه لينا الشباب المجموعه بتاعتنا يعنى لو حد مننا مثلا كانت نيته سليمه فى انه عايز يسال البنت على المحاضرة وهى عملت معاه كلام مش كويس واتصرفت تصرف غبى

بالنسبه ليا انا وربنا والله العظيم انا معرفش ممكن اعمل فيها ايه ومش هقولكم بقى انا براعى شعور البنت اللى بتعمل كدة بس وربنا ممكن اديها بالقلم على وشها ومش هيهمنى مين واقف

المهم المفروض ان من صفات البنات الرقه مش انها تقلبك وتنفضلك المفروض الكسوف والحياء يبان ويظهر مش مرة واحده تلاقى البنت من دول قامت تشتم فيك وتقلبلك السوق اللى هى جايه منه وكده

بس يلا البنات بردو كويسين بس قليلين اوى الايام دى مع انهم كتيير بس انا قصدى على المحترمه واللى فيها فعلا صفات البنت الحقيقيه والمؤدبه

يلا طولت عليكم وخلاص مش مهم بقى اطول براحتى حد عنده هنا مانع يورينى نفسه.....

وباذن الله هبنى لكم مساكن شعبيه
وهعمل حزب المرأه
ثم القضاء على المرأه
والله الموفق
والسلام عليكم ورحمه الله وبركاته

عمكم الحاجADRIANO

خلاص ماشى ياكبير انا موافق بس على اية؟؟
نورت التوبيك
وطبعا لو بنت عملت كدة مع واحد مننا بس كانت نيتة كويسة يعنى لازم يترد عليها بس حكاية الضرب دى صعبة شوية
احنا بس نرد عليها بأدب نحرجها يعنى
شكرا على المرور نورت التوبيك